Қазан айының басында біз қазақстандағы Supernovas жобасының бапкерлер тобына қарқынды тренинг ұйымдастырдық. Бұл шараның басты мақсаты – балаларды техникалық дайындаудың қыр-сырымен бапкерлерді таныстыру, оларды тиімді жаттықтыру үшін әмбебап құралдармен жарақтандыру және олардың футбол шеберлігінің деңгейін арттыру.
Тренингті Supernovas жобасының әдіскері, 20 жылдық тәжірибесі бар жаттықтырушы және «Қайрат футзал» балалар академиясының бұрынғы басшысы Семен Палагутиннің қатысуымен УЕФА сертификаты бар инструкторлар жүргізді. Тренинг барысында біз стандарттарды талдауға, сондай-ақ балалардың әртүрлі жас және психоэмоционалдық категорияларымен жұмыс істеу ерекшеліктеріне басым назар аудардық. Сонымен қатар, біздің бапкерлер аралас командалармен жұмыс істеу және ұлдар мен қыздарға бірлескен жаттығулар өткізу бойынша әдістемелік ұсыныстармен танысты. Тәлімгерлер, сонымен қатар, футбол ойынының маңыздылығы – жаттығулардың логикалық жалғасы және балаларға арналған мотивациялық құрал екенін талқылады.
Өздеріңіз білетіндей, нағыз шеберлік іс жүзінде шыңдалады. Алынған білімді тәжірибеде қолдану үшін біз бапкерлерге берілген тапсырмалар мен параметрлерді ескере отырып, өздерінің оқу бағдарламасын әзірлеуге мүмкіндік бердік. Бұл тәжірибе тәлімгерлерімізге тиімді коучингтің қыр-сырын жақсырақ түсінуге көмектесті.
Қатысушылардың тренинг аспектілерін талқылауға және өзі қатарлы адамдар арасында қызу пікірталастарға қатысуға мүмкіндік алғаны біздің интенсивті шын мәнінде ерекше етті.
Біз Supernovas-та бапкерлер құрамының біліктілігін үнемі жетілдіріп отыруға тырысамыз, сондықтан бұл шара тек алдағы үлкен жұмыстың бастамасы ғана. Аталған интенсивтің жемісті өтуі біз үшін шабыт көзі болды және мұғалімдерді оқытудың тиімділігін арттыру үшін қосымша мүмкіндіктерді іздеуге итермеледі.
.jpg)
.png)
.png)
%20(1).png)
.png)
